Кои витамини се земаат наутро, а кои навечер?

од Nikola Popovski

Додатоците станаа многу популарни за време на пандемијата на коронавирус. Ако ги пиете, треба да знаете дека е важно во кое време од денот ги земете.

Како прво, суплементацијата е оправдана само кај луѓе со докажан недостаток на одредени витамини, како што објаснува српската биохемичарка Сања Вујичиќ.

Оправдано е да се земаат кога лабораториските тестови откриваат вистински недостаток на витамин, под надзор на лекар. Така, недостатокот се компензира со цел да се спречат нарушувањата што можат да се појават како последица на недостатокот.

Исто така, тие не треба да се земаат како превентивна заштита од какво било заболување.

„Не провоцирајте го организмот и сигналните патишта во клетката, разновидната исхрана и редовната физичка активност се единствената призната ефикасна превенција“, вели Вујичиќ.

Но, ако ви препишуваат додатоци, треба да знаете кое време од денот е најдобро за нивно конзумирање. На прашањето кои витамини, минерали и пробиотици треба да ги пиеме наутро, а кои навечер, нутриционистката Белинда Киркпатрик одговори за „Body and soul“.

Витамин Б

„Постојат осум видови на витамини од групата Б и сите тие помагаат во зајакнување на енергијата, го подобруваат здравјето на мозокот и расположението, ги намалуваат несаканите ефекти од ПМС и помагаат во градењето силна коса и нокти“, вели Киркпатрик, предупредувајќи дека е важно да ги земате наутро, бидејќи тие го подигнуваат нивото на енергија и расположението.

Мултивитамини

Мултивитамини содржат мешавина од есенцијални витамини и минерали, а меѓу нив често има и витамини од групата Б. Затоа е најдобро да ги земате наутро.

Пробиотици

„Пробиотиците се важни за здраво функционирање на дигестивниот систем бидејќи хранат здрави бактерии, се поефикасни за дигестивни проблеми и се добри за подигање на имунитет“, објаснува Киркпатрик, додавајќи дека пробиотиците треба да се пијат наутро за подобро да се апсорбираат.

Магнезиум

„Магнезиумот често се препорачува за луѓе кои имаат проблеми со спиење, енергија, главоболки, грчеви во мускулите, бавно варење, желба за слатки или вознемиреност“, вели нутриционистката, додавајќи дека магнезиумот треба да се консумира навечер поради неговиот корисен и смирувачки ефект.

Витамин Д

Најдобар начин да го нахраните вашето тело со витамин Д е редовно да останете на сонце, но ова може да биде тешко во зимските месеци, па затоа многумина го земаат овој додаток во исхраната.

„Најчесто тоа е витамин Д3, а најдобро се апсорбира навечер“, истакнува Киркпатрик.

Ако не сте сигурни кога треба да земете додаток во исхраната, секогаш можете да се консултирате со фармацевт или лекар.

loading...

Слични содржини