Ерлинг Халанд потпиша за Манчестер Сити во 2022 година и неговите голови го доведоа до тројната круна во неговата прва сезона. Досега за клубот одигра 109 натпревари со неверојатен учинок од 101 гол и 14 асистенции. Брилијантниот 24-годишен фудбалер одговори на прашањето кој за него е најдобриот напаѓач во историјата на клубот.
Норвежанецот е сопственик на неколку клупски и англиски рекорди во Премиер лигата, па нема кој дал 50 гола побрзо од него во тоа натпреварување (му требаа 48 натпревари), како и играч кој постигнал повеќе голови во една сезона во Премиер лига. Во својата дебитантска сезона постигна 36 гола на 35 натпревари. Ниту еден играч во историјата, што бил играч на клуб од Премиер лигата, не постигнал вкупно 52 гола во една сезона.
Иако со вакви бројки се втурнува меѓу легендите на клубот и најдобрите во неговата историја, за Халанд е јасно кој е најдобриот напаѓач што клубот некогаш го имал. „Најдобар напаѓач во историјата на Манчестер Сити е Серхио Кун Агуеро“, кажа.
Агуеро одигра 390 натпревари за Сити од 2011 до 2021 година. Постигна 260 гола, што е клупски рекорд, а асистираше на 65 од нив. Со тој клуб освои 15 титули, од кои пет за најдобар тим во англиското првенство.