Изненадувачки, но индиската армија е трета по големина во светот.
Заштитата на една земја е исклучително важна и тешка задача, особено во време кога постои цела терористичка “држава”. Ќе ви претставиме листа на најмоќните сили од Кина до САД.
На 12-то место е армијата на Египет, пишува “Труд”. Исклучително важна географска поставеност на оваа земја води по себе и уште поголема важност да има добро подготвена војска. Буџетот ги надминува 4,4 милијарди долари, а бројот на војниците е малку над 468 000. Египјаните имаат 4.600 тенкови и 1.107 авионот, како и ненајавен број подморници.
Веднаш по нивите редови е Пакистан. Импресивните 620.000 војници ги чуваат границите на азиската држава, а располага со буџет од над 7 милијарди долари. Државата развива и нуклеарно оружје, што ја загрижува светската јавност, особено со оглед тлее конфликт со Индија за областа Кашмир.
Пакистанците имаат околу 3.000 тенкови, 914 авиони и осум подморници, што ги прави голема регионална сила. Во Уставот е запишано дека во воено време при општа мобилизација, армијата може да достигне и до 3 милиони.
Најсилните одбранбени сили
Турција
Турската армија има најмоќната армија во источниот Медитеран. Сојузник на САД со децении, Турција има исклучително добро опремена војска. Издвоени се колосални 18,2 милијарди годишно за воени цели. Земјата има 3.778 тенкови и малку над 1.000 авиони и цели 13 нуклеарни подморници.
Британија
Предвидено е до 2018 година Велика Британија да ја намали армијата за цели 20%, но тоа не значи дека тие ќе се потпираат на нечија туѓа одбрана. Напротив, во плановите на Британците до 2020 година се вклучува изградба на огромен носач на авиони, чија површина ќе биде цели 4,5 акри. Воените сили на Обединетото Кралство имаат 60,5 милијарди долари годишно.
Италија
Иако клишето е дека Италијанците никогаш немале воено најспособна армија, сега е моментот да бидете изненадени – тие имаат буџет од над 34 милијарди долари годишно, а војниците се над 320.000. Италија има импресивни два носачи на авиони, 760 авиони и 586 тенкови.
Јужна Кореја
За никого не е изненадувачки дека Јужнокорејците се вооружени до заби, под услов граничат со агресивните братучеди од Северна Кореја. Тие издвојуваат буџет за војска, кој може да надмине државниот на многу земји во Африка – 62,3 милијарди долари. Корејците имаат над 2.300 тенкови, 1.400 авиони и 624.000 војници.
Франција
Французите го одржуваат мирот во половина Африка со својата армија и легендарната легија на странци. Овие напори не излегуваат никако поевтино – над 63 милијарди долари годишно. Сепак, земјата има релативно мал број војници – 202.000, 423 тенкови, десет подморници и 1.264 авионот.
Топ четири
Јапонија
Како земја поразена во Втората светска војна, Јапонија нема право на голема војска, но тоа не и пречи да падне на четвртото место во нашата листа со “скромен буџет” од 41,6 милијарди долари, кои се распределени меѓу 247.000 војници. Јапонците имаат исто така 678 тенкови, 1.600 авиони и 13 подморници.
Кина
Кинеската народна армија е една од најголемите во светот со 2,3 милиони војници. Републиката е на второ место по бројот на тенкови – цели 9.150. 2.860 авиони го чуваат воздушниот простор на земјата, а бројот на подморниците им е околу 70.
Русија
Русите секогаш биле огромна воена сила. Армијата на Федерацијата има толку тенкови како ниту една друга страна на светот – 15.398. Буџетот за заштита на огромната земја исто излегува солено на даночните обврзници – 84,5 милијарди долари. Русите имаат и третата најголема флота од подморници – 55.
САД
Американците апсолутно се над целата конкуренција со зачудувачки буџет од над 601 милијарди долари. Бројот на редовната армија, исто така е импресивен – 1,4 милиони луѓе кои имаат 8.488 тенкови, околу 14.000 авиони и 72 подморници, правејќи САД воена сила број еден.
Тигарот на истокот
Индија
Индиската армија е трета по големина во светот – по онаа на САД и Кина со своите
1.325.000 војници. Индијците одвојуваат над 50 милијарди долари за одбрана, имаат 6.400 тенкови и 1.905 авиони. Највпечатливо е исто така, дека тие имаат 15 нуклеарни подморници и се зборува дека дури има изработена нуклеарна бомба – повод за вознемиреност во регионот, со оглед на нестабилните односи со соседен Пакистан.