Кингсли Коман девет години заслужено имаше свое место во тимот на Баерн, но гледајќи дека не е во плановите на Винсент Компани, реши да побара трансфер четири дена пред затворањето на преодниот рок.
Доаѓањето на Мајкл Олис на крилната позиција беше јасен знак дека некој од постоечките крилни играчи нема да добие шанса, па на Коман брзо му стана јасно дека тоа е тој. Има неколку клубови од Премиер лигата кои бараат крилен напаѓач, а со оглед на ситуацијата, Коман ќе биде полн погодок бидејќи Баерн сигурно нема да бара „дебела“ отштета за играч на кој не сметаат. Тие сигурно ќе се согласат и на заем.
Играч со класа и искуство на крилните позиции бара Арсенал, но и Манчестер Јунајтед, Астон Вила, Њукасл…
Коман дојде во Баерн пред девет години од Јувентус за 28.000.000 евра и е еден од најдобрите трансфери на баварскиот гигант во последните десет години. Со Баварците освои 19 трофеи, постигна 64 гола и 66 асистенции на 296 натпревари и го постигна единствениот гол во финалето на Лигата на шампионите во 2020 година.