Се чини дека работите брзо се развиваат во Јувентус по елиминацијата од Виљареал. Нервозата е присутна, останува да се одбрани четвртото место и евентуално да се освои пехарот од Купот, но очекуваа повеќе, особено во Лигата на шампионите.
И сега внатрешните прашања го оптоваруваат тимот, на пет играчи им истекуваат договорите, некои со обврски Јувентус не ги сака, но тие не сакаат да си заминат од Торино.
Се шпекулираше дека дури и Алегри е во прашање за следната сезона по испаѓањето од Виљареал, но за „Газета“ од клубот потврдија дека нема ништо од тоа и дека ова е проект зад кој клубот цврсто стои, и дека не тренерот не е загрозен.
Вчера избувнаа нови тензии, дел од играчите беа незадоволни од времето на тренинзите пред мечот со Салернитана, па мини-делегација составена од Квадрадо и Дибала отиде кај тренерот.
Во текот на разговорот дошло до расправија, Алегри наводно му рекол на Дибала дека од сите играчи тој последен треба да го доведе во прашање терминот на тренингот и одлуката на тренерот.
Алудирал, или барем Дибала така го сфатил фактот дека Аргентинецот е целосно разочарување сезонава, дека требаше да биде клучен играч, но наместо тоа често се повредуваше, па дури и кога настапуваше, играта не му беше толку сјајна.
Впрочем, сите тие сомнежи за Дибала го натераа Јувентус да размислува за неговата плата, па првобитната од 10 милиони по сезона нето беше повлечена и дел беше претворена во бонуси, што го изнервира Аргентинецот и практично го доведе до излезната врата.
Ќе видиме дали е ова капката која ја прели чашата, дури изгледа дека на Јувентус би му олеснало доколку „Ла Хоја“ не ја прифати понудата. Тие веќе размислуваат за замена, откако талентираниот Распадори од Сасуоло е прва желба.