Конфликтот меѓу Израел и Хамас влезе во ЧЕТВРТИОТ ДЕН, загинаа повеќе од 1.500 луѓе

Конфликтот меѓу Израел и палестинскиот Хамас и насилството кое досега однесе повеќе од 1.500 животи влезе во четвртиот ден, а израелската армија денеска објави дека изведува масовни напади врз многу локации на исламистите во Појасот Газа и дека наскоро ќе објави повеќе детали за тие напади.

Израелските ТВ канали објавија дека во нападите на Хамас досега се убиени најмалку 900 луѓе, а уште 2.600 се повредени, заедно со десетици затвореници, пренесува „Ројтерс“.

Меѓу загинатите во Израел, досега се пронајдени повеќе од 260 тела на местото на музички фестивал во јужен Израел, каде што беа земени голем број заложници.