Конте ги прецизирал сите детали од договорот со Наполи, ќе биде меѓу најплатенте во Серија „А“

Антонио Конте ги прецизирал сите детали од договорот со италијанскиот фудбалски клуб Наполи, објавија медиумите од Апенините.

54-годишниот стручњак веќе неколку месеци е на нишанот на претседателот Аурелио Де Лаурентис, а преговорите се водеа во последните денови по одлуката на Џан Пјеро Гасперини да остане во Аталанта.

Конте договорил тригодишен договор со Наполи со плата од околу 7 милиони евра по сезона плус 1 милион евра бонуси.

„Ил Матино“ објави дека договорот е испратен до Конте и дека тој го потпишал документот.

Се очекува Наполи во среда или четврток оваа недела да организира презентација на новиот тренер најверојатно во Кралската палата во Неапол.