Eврокомесарот Гинтер Јотингер и се закани на Полска со набљудување за кршење општите европски вредности заради усвојување на легислатива која и дава на државата контрола врз државните медиуми. Овој потег може да стави почетокот на серија од активности кои, ако законот остане во сила, би можеле евентуално да доведат до останувањето на Варшава без право на глас во Европскиот совет.

Во интервју за весникот “Франкфуртер алгемајне цајтунг”, Јотингер, кој е комесар за дигиталната економија и дигиталното општество, предупреди: “За нас постојат доволно причини за да се активира механизмот за владеење на правото “и да ставиме под надзор Варшава “.

Неговите коментари дојдоа откако полската конзервативна влада во средата ја презеде контролата врз државните медиуми, откако во сила влегоа нови правни норми, кои му даваат на кабинетот право директно да ги назначува шефовите на државните медиуми и покрај загриженоста во ЕУ и осудата од страна на правобранителските институции.

Владата годинава ќе се задолжува 24 пати

Многу е веројатно на 13 јануари, на првата средба на ЕК за годината, прашањето да биде дискутирано. Токму ЕК може да започне постапка против “системска закана за владеењето на правото”. Ако таа биде доведена докрај, Полска може да го загуби својот глас во Европскиот совет. Досега немало случај во историјата на ЕУ такво нешто да стане факт.

Според новиот закон во Полска, вишите фигури во државните радија и телевизии во иднина ќе бидат назначувани – и отпуштани – од министерот за државните ресурси, а не преку конкурс од Националниот совет за радио и телевизија. Според новата правна норма сегашните шефови на државните медиуми и одборот на директори на полската радио и телевизија беа отпуштени.

Предлог-законот предизвика незадоволството на полските новинари, а беше усвоен од Сејмот и Сенатот (долниот и горниот дом на парламентот), но сеуште не е потпишан од претседателот Анджеиј Дуда. Полскиот информативен сајт Kresy истакнува дека откако Сенатот во земјата ја одобрил нормата, оставка поднеле директори на телевизија TVP1, TVP2, TVP-културата, како и Телевизиската информативна агенција.