Конвој со хуманитарна помош влезе во Газа, за денеска предвидени 20 камиони

Конвој со хуманитарна помош влезе во Појасот Газа преку граничниот премин Рафа од Египет, потврдија палестински граничари, додека египетската телевизија прикажа снимка од камиони кои влегуваат во Газа.

Преминот беше отворен околу 09:00 часот по средноевропско време. Локалните власти изјавија за „Гардијан“ дека на 20 камиони им е дозволено да влезат во Газа денеска, со помош од египетската влада, според договорот постигнат претходно од САД, Израел и Египет.

Во исто време, канцеларијата за медиуми на Хамас објави дека хуманитарниот конвој кој денеска влегува во Газа вклучува 20 камиони кои превезуваат лекови, медицинска опрема и ограничени количини храна, главно конзервирана, пренесе Ројтерс.