Генералниот директор за соседство и преговори за проширување во Европската комисија Герт Јан Копман оцени дека Планот за раст на Западен Балкан и формирањето регионален пазар, може да биде нешто што целосно ќе го промени овој регион.
Преку платформата „Х“, Копман му се заблагодари на премиерот Димитар Ковачевски за вчерашниот самит на Планот за раст на Западен Балкан што се одржа во Скопје.
„Планот за раст со пазарот на ЕУ и регионалната пазарна димензија може да биде нешто што целосно ќе го промени овој регион“, објави Копман.
Thanks to 🇲🇰PM @DKovachevski for hosting today's event on the #GrowthPlan for the #WesternBalkans.
The plan, with its 🇪🇺EU internal market & #CommonRegionalMarket dimensions, can be a potential game changer for the region.
We'll continue to support our partners to implement it! pic.twitter.com/CBqmeUbwJa
— Gert Jan Koopman (@GertJanEU) January 22, 2024
На 8 ноември 2023 година, Европската комисија го усвои новиот План за раст на Западен Балкан, со кој на земјите од регионот ќе им биде дадена можност да користат дел од придобивките на ЕУ уште пред да станат нејзини членки, со цел да се поттикне економскиот раст и да се забрза социоекономската конвергенција. Исто така, донесена е и Регулатива за воспоставување Финансиски инструмент за реформи и раст на Западен Балкан, преку кој ќе се ефектуира финансиската поддршка во износ од 6 милијарди евра, којашто е дел од овој план. Целта е да се поддржат земјите кандидати за членство или аспиранти за кандидатски статус да ги забрзаат реформите и да се зголеми нивниот економски потенцијал со цел побрз напредок во евроинтеграцискиот процес.