Најновите епидемиолошки мерки се покажаа како недоволно моќни за оние најупорните, бидејќи забавите се преселија од угостителски објекти во приватни куќи или станови.
Различни прослави и собири со музика со месеци се прават во Србија иако Кризниот штаб постојано укажува дека вирусот се шири, но и покрај тоа, тие сè уште не се откажуваат, дури и откако полицијата отиде да ги прекине забавите.
Ограничување на работното време во кафулињата и забрана за собирање на повеќе од пет лица, предизвика младите кои сакаат да се забавуваат, кои и покрај намалените можности за излегување и забава, да најдат начин да пеат, играат и пијат до зори, пишува Политика.
Најновите епидемиолошки мерки се покажаа како недоволно моќни за оние најупорните, бидејќи забавите се преселија од угостителски објекти во приватни куќи или станови. Ова, иако спротивно на сите мерки, апели и препораки, им овозможи на сопствениците на туристички сместувачки капацитети, чиј бизнис е во застој оваа сезона, да заработат барем со изнајмување на просторот „преку ден“, односно навечер.
Во станот за еден ден
– Најмногу се собираме во станови што се издаваат на дневна основа. Сите мои пријатели го прават тоа, и исто е кога некој друг ќе организира забава и ќе не повика. Станува збор за станови кои обично се наоѓаат во центарот на градот, и бидејќи во нив инаку никој не живее, една вечер соседите некако го толерираат тоа. Сепак, тука постои ризик затоа што никогаш не знаете кому ќе помисли да ја повика полиција – рече Никола.
Цените за изнајмување на такви простории се различни, во зависност од опремата на станот. Бидејќи станува збор за млади луѓе и не е потребен луксуз, цената на изнајмувањето за една вечер се движи од 20 до 50 евра.
– Забавата трае додека станот се изнајмува, но обично започнува да се „растерува“ малку порано за да можеме да вратиме сè на своето место во станот, како што беше пред нашето пристигнување – изјави за „Политика“ овој млад човек.
Тешко е да се најдат оние кои рекламираат отворено
Агенциите во главниот град кои изнајмуваат станови дневно тврдат дека таквите забави не се дозволени, а исто така е тешко на Интернет да се најдат оние кои отворено рекламираат за забави за време на ерата на короната. Обично се доаѓа до нив преку лични препораки.
Возрасни и слични забави сега се одржуваат во викенд-куќите на периферијата, во областите каде полицијата не оди, и нема многу соседи кои би се пожалиле на бучавата. Простор за ноќни прослави, сепак, може да се најде во самиот град. Тоа е многу пораскошно сместување. Не е за обични забави, туку за оние со позначаен повод и подлабок џеб.
– Имаме еден стан за 25 лица што го издаваме на прослави, а цената е 500 евра за вечер. Сместено е во Нов Белград, но е наменето за тие цели затоа што другите не се соодветни за тоа поради бучава – велат од еден портал што се занимава со изнајмување станови на дневна основа.