Системските недостатоци во грижата за старите лица во Шведска, заедно со несоодветните мерки од страна на владата и агенциите, придонесоа за голем број смртни случаи во земјата во домовите за стари лица, се наведува денес во првичниот извештај на официјалната комисија. Стратегијата за пандемија во Шведска се засноваше на избегнување „локдауни“ и маски, со отворени училишта, ресторани и деловни активности и апел до луѓето да одржуваат социјална дистанца и да се грижат за хигиената.
Пандемијата тешко ги погоди домовите на стари лица во Шведска, и не само во Стокхолм, каде вработените во болниците, исто така, јавно предупредуваа на недостаток на заштитна опрема како што се маски. Посетите на домовите за стари лица се дел од ограничувачките мерки во Шведска од 1 април.
Шведските медиуми објавија на 29 мај дека околу една четвртина од жителите на домовите починале меѓу средината на март и средината на април.
Бидејќи бројот на смртни случаи во домовите на стари лица се зголеми по пролетта, била назначена комисија за проценка на реакцијата на Шведска на епидемијата.
Комисијата објави претходно познати структурни проблеми во рамките на системот за грижа за старите лица, за чија смрт одговорноста ја делат властите, регионите, давателите на приватна нега и општините.
Од таму посочиле дека владините мерки за заштита на старите лица во текот на пролетта доцнат и не се соодветни.
Премиерот на Шведска, Стефан Лофвен, ја бранеше општата стратегија, но призна дека Шведска не успеа да ги заштити старите лица, нагласувајќи дека грижата за здравјето и старите лица е работа на регионалните власти, а не на централната влада.
Шведска не воведе целосна блокада, забранети се собири на повеќе од 50 лица, а часовите во училиштата и факултетите се спроведуваат преку Интернет.
Во Шведска 3.040 луѓе починале од вирусот, додека скоро 25.000 се заразиле.