Кортни Лав, музичарка и вдовица на Курт Кобејн, одлучи да се збогува со Америка на Доналд Трамп. Пејачката откри дека трајно се сели во Обединетото Кралство за време на вториот претседателски мандат на Трамп. „Навистина ми е драго што сум овде“, рече таа на настан во Кралското географско друштво во Лондон, пишува „Дејли мејл“.
„Толку е прекрасно да се живее овде. Конечно добивам британско државјанство за шест месеци. Станувам британски државјанин. Аплицирам, нема да се ослободите од мене”, рекла Лав (60), а нејзините зборови предизвикале аплауз од публиката.
Таа потоа се осврна на нејзиниот страв од актуелната републиканска администрација во САД.
„Што се однесува до Трамп и особено овој тим, тоа е како некој вид на империјалистички стил. Сега е страшно таму. Како сè да е отруено со цијанид“, рече таа.
Музичарката, која ја има 32-годишната ќерка Френсис Бин Кобејн, од бракот со покојниот Курт Кобејн, им се придружува на се поголемиот број познати личности кои ги напуштија Соединетите Држави откако Трамп беше реизбран во ноември 2024 година. Поранешната водителка на ток-шоу Елен Деџенерис и нејзината сопруга Порција де Роси, наводно, биле „одлучени од изборите веднаш да ја напуштат земјата“.
Рози О’Донел, која исто така беше отворена за нејзината сексуална ориентација, минатата недела откри дека таа и нејзиното 12-годишно небинарно дете Клеј се преселиле во Ирска откако Трамп ја победи Камала Харис.
„Кога во Америка повторно ќе биде сигурно дека сите граѓани имаат еднакви права, тогаш ќе размислиме за враќање“, им порача актерката на своите следбеници на социјалните мрежи.