Еврокомесарката за проширување Марта Кос денеска изрази загриженост за инцидентите во српскиот парламент, како и за нападите врз граѓанските организации, повикувајќи на деескалација на тензиите и создавање услови за дијалог.
„Многу сме загрижени поради нарушувањето на парламентарната работа и насилството во српскиот парламент. Парламентот мора да биде место за демократска дебата во интерес на сите граѓани и мора целосно да ја исполни својата улога“, објави Кос на социјалната мрежа Х.
We are very concerned by the disruptions of parliamentary work and the violence in the Serbian parliament. The parliament must be the place for democratic debate in the interest of all citizens, and must fully play its role.
Recent developments in Serbia targeting civil society…
— Marta Kos (@MartaKosEU) March 5, 2025
Таа, исто така, ги окарактеризира како „многу загрижувачки“ „неодамнешните настани насочени против граѓанските организации“ во Србија.
„Постојано повикуваме на деескалација на тензиите преку воспоставување услови за инклузивен дијалог во кој ќе бидат вклучени сите засегнати страни, вклучително политичките актери, институциите и членовите на граѓанското општество, со цел да се одговори на реформите неопходни за европската иднина на Србија“, додаде Кос.