Еврокомесарката за проширување на ЕУ, Марта Кос им го честиташе Денот на независноста на Македонија и нејзините граѓани.
Кос порача дека силно го поддржува патот на Македонија кон ЕУ.
„Им го честитам Денот на независноста на граѓаните на Северна Македонија. Силно го поддржувам вашиот пат кон приклучување во ЕУ. Со вас сме на секој чекор“, напиша Кос на социјалната мрежа „X“.
Congratulations to the people of 🇲🇰 North Macedonia on their Independence Day!
I strongly support your path towards joining our 🇪🇺 Union.
We’re with you every step of the way. 🤝 pic.twitter.com/j5VarCaM7k
— Marta Kos (@MartaKosEU) September 8, 2025
Македонија ја прогласи својата независност од поранешната Социјалистичка Федеративна Република Југославија пред 34 години. Македонија прва беше признаена од Бугарија, по што следеа Турција, Словенија, Хрватска, Русија, Босна и Херцеговина. Земјата, врз основа на спорот со Грција, по што следуваше Договорот од Преспа го промени своето име во Северна Македонија на 17 јуни 2018 година.