Раперот Треј Сонгс (37) ги отфрли обвинувањата за сексуален напад од него кон поранешната кошаркарка и уметник – Дилан Гонзалес (27).
Претставниците за медиумите на музичарот изјавија дека Треј ќе биде ослободен во догледна иднина.
„Треј и неговиот тим се убедени дека правниот процес ќе доведе до многу ослободувачки информации во наредните недели“, изјавија тие за TMZ.
Гонзалес на својот профил на Инстаграм тврди дека раперот, чие полно име е Тремејн Алдон Неверсон, сексуално ја нападнал во хотел во Лас Вегас.
„Со нешто што изгледа како постојано повторување на вестите за наводните сексуални напади извршени од Треј Сонгс, принудена сум постојано да го преживувам настанот во мојот ум, што ме тера повторно да страдам. Тоа е долго потиснат хорор и неподнослива ПТСП што се манифестираше откако ме силуваше во познат хотел во Лас Вегас. Испраќам љубов, сила и надеж до сите жртви на сексуален напад и фаталната природа на тој чин. Не си сам(а)“, напиша Гонзалес.
Гонзалес во својата објава напиша дека ги охрабрува сите силувани да зборуваат за траумата што ја претрпеле бидејќи како што вели „не можеш да го излечиш тоа што не го откриваш“.
„Во овој момент, искрено ја барам мојата приватност, внимание и сочувство, додека целосно се обврзувам да го следам најдобриот пат и сите мои законски можности“, напиша Гонзалес.
Против Треј се покренува уште една тужба иницирана од Јахаура Џефрис, која јавно се претстави и наведува дека Сонгс сексуално ја нападнал во ноќен клуб во Мајами во 2018 година, пишува „Пипл“.
Ова доаѓа по серијата обвинувања против пејачот за сексуален напад, вклучително и актерката Кеке Палмер (28), која тврди дека Сонгс користел сексуално заплашување во 2017 година за да ја натера да се појави во неговиот спот, тврдејќи дека тој тајно ја снимил и ја ставил во видео против нејзината желба.
„Не можам да го посветам животот на одговарање или расчистување на секоја страница од секоја приказна што ја слушате за мене. Го знам мојот карактер, ја знам мојата вистина, го знам моето срце. Бог знае, исто така“, рече Треј, чии песни на YouTube имаат стотици милиони прегледи.