Реал Мадрид е буквално десеткуван, а во наредниот период следува пеколен распоред.
Едер Милитао, Родриго и Лукас Васкез се здобија со повреди во текот на викендот, а сега доаѓаат нови информации.
За Милитао веднаш се знаеше дека сезоната е завршена, додека првичните информации беа дека Васкез ќе паузира три недели, а Родриго четири недели.
Сепак, ситуацијата е многу полоша, барем што се однесува до Родриго. Бразилецот најверојатно ќе заврши во 2024 година, бидејќи има пауза од околу шест недели. Од друга страна, Васкез ќе паузира околу еден месец и ќе се врати пред крајот на годината.
Она што всушност е најлошото во овој момент е тоа што Реал Мадрид ќе биде осакатен поради гостувањето кај Ливерпул. Орељан Чуамени претходно се повреди и нема да може да се опорави навреме за дуелот со Ливерпул, бидејќи неговото враќање е закажано за декември.
Тоа значи дека сигурно нема да играат на „Енфилд“, освен Карвахал и Милитао, кои ги завршија сезоните и Алаба, кој е повреден подолго време, а исто така – Васкез, Чуамени и Родриго.
Карло Анчелоти има само еден здрав стопер на располагање – Антонио Ридигер, кому во дуелот со Салах, Дијаз и Дарвин или Жота ќе му помагаат младите Асенсио, Ферлан Менди и префорсираниот Феде Валверде.
Натпреварот Ливерпул – Реал Мадрид е закажан за 27 ноември.