Поради недостаток на негувателки во градинките под надлежност на општина Струмица, градоначалникот Костадин Костадинов упати порака:
„Бидејќи дечињата згрижени во градинките под надлежност на општина Струмица имаат потреба од негувателки, а Министерството за финансии на Гордана Димитриевска-Кочовска и Министерството за труд и демографски политики на Фатмир Лимани одбија да ни дадат согласност за ангажирање на нови негувателки, ние самите ќе најдеме решение за вработување на потребниот кадар“.
Порачува дека општина Струмица и тој како градоначалник нема да дозволат никогаш дечињата да страдаат поради терање на партиски инает и непринципиелни предизборни агенди.
Костадинов бара итен ребаланс на Буџет и според него само за тој основ е навистина неопходен, бидејќи се работи за децата.
„Очекувам дека за многу брзо време потребните негувателки, воспитувачи и технички персонал ќе почнат да работат со дечињата во нашите градинки“, порача градоначалникот на Струмица.