Премиерот Димитар Ковачевски не сакаше многу да ја коментира изјавата за владиката Агантангел кој пред два дена „повика Божја помош“ за лидерот на ВМРО-ДПМНЕ, Христијан Мицкоски.
-Јас сум поборник за секуларна држава и се придржувам кон секуларноста на државата. Нема да коментирам политички изјави на владика, кратко одговори Ковачевски на новинарско прашање.
За владиката Агатангел, „ВМРО-ДПМНЕ е најголемата и најсветата партија во државата и тој верува дека Господ и Богородица ќе му помогнат на Христијан Мицкоски да го врати сето македонско и национално“.
-Јас длабоко од душата и срцето верувам дека нашиот претседател на најголемата и најсвета партија ВМРО ДПМНЕ се она што го дадовме и верувам дека ќе го вратиме назад, рече владиката на плоштадот во Кавадарци, по повод христијанскиот празник Свети Трифун.