Ковачевски: Единствени граници во Европа во моментов се границите во регионот, затоа „Отворен Балкан“ е најдобра иницијатива

Единствени граници во Европа во моментов се границите на Балканот. Кога ќе излезете од Србија на север, веќе не постојат граници до Скандинавија. Затоа оваа иницијатива е најдобра и нема лоши страни и затоа што тргнува од потребите на граѓаните и бизнисите. На нас секогаш ЕУ ќе ни биде стратешка цел, но ние ќе го унапредуваме нашето работење и живеење преку вакви иницијативи, рече премиерот Димитар Ковачевски на прес-конференцијата на самитот „Отворен Балкан“ во Охрид.

Тој додаде дека ова е оригинална и органска иницијатива на Албанија, Македонија и Србија и очекува да се приклучат Црна Гора и БиХ, како и Косово.

-Граѓаните имаат право да живеат врз основа на европски вредности и да соработуваат меѓусебе, појасни Ковачевски.