Првиот човек на АД ЕСМ, Васко Ковачевски синоќа истакна дека во овој период на годината, ЕСМ е на 26,7% поголемо производство на струја во споредба со истиот период минатата година.
-Се уште го немаме Блок 3 и тој недостаток го компензираме со зголемено производство на Блок 1 и Блок 2 во РЕК Битола. Исто така ТЕЦ Осломеј е во функцијата, како и ТЕЦ Неготино. Оваа година ќе ја завршиме со 200 милиони евра дополнителни потрошени средства од Буџетот за електрична енергија, во услови на криза и високи цени на енергенсите. Овие податоци ако ги споредиме со нашето опкружување, сме со најмалку трошоци од Буџетот на државата кон субвенционирање на цената на електрична енергија. Ова е само ЕСМ со ТЕЦ Неготино. Дополнително не го пресметуваме ТЕ-ТО и други капацитети кои што се веќе приклучени на мрежата. Не е само домашното производство. ЕСМ 55 милиони евра не ги активираше во стапки кои што не се директно поврзани со производството, истакна Ковачевски во емисијата „Економски магазин“.