Ковачевски на света литургија во манастирот „Наум Охридски Чудотворец“ на Попова Шапка

Премиерот Димитар Ковачевски денеска присуствуваше на светата литургија во манастирот „Наум Охридски Чудотворец“ на Попова Шапка, по повод истоимениот христијански празник.

„Денеска заедно со верниците од тетовско и гостиварско присуствував на светата литургија во манастирот „Наум Охридски Чудотворец“ на Попова Шапка, по повод истоимениот христијански празник. Празниците нè зближуваат, а денеска е голем ден на кој ја празнуваме хуманоста. Наум Охридски Чудотворец целиот свој живот го посветил на помагање и на хумани дела“, напиша Ковачевски на Фејсбук.