Ковчегот на кралицата по 24 часа ќе биде префрлен од Единбург во Лондон

Заврши комеморацијата одржана во катедралата Свети Гилс во Единбург, на која беше одбележан животот на кралицата Елизабета Втора и нејзината поврзаност со Шкотска.

Нејзиниот ковчег ќе остане таму во следните 24 часа, а потоа ќе биде префрлен во Лондон, јави Би-Би-Си.

Кралот Чарлс III и другите членови на кралското семејство ја напуштија катедралата.

Старешината на црквата во Шкотска, Мораг Мејлни, се заблагодари на Бога за долгиот живот, одличниот пример, непоколебливата посветеност на должноста, силната вера и добрата смисла за хумор на мудрата и голема британска кралица.