Крадци украле пари од црква

Охридската полиција уапсила две лица кои краделе од црква, стои во билтенот на МВР. Според информациите, вчера во 16.10 часот во охридското село Опеница, полициски службеници од СВР Охрид ги привеле Ш.С.(38) и С.Ш.(29), двајцата од Охрид.

Тие се сомничат дека претходно во црква во истото село извршиле кражба, при што одзеле пари.

-По целосно документирање на настанот, против нив ќе биде поднесена соодветна пријава, соопшти МВР.