Оперативниот систем Windows 7 ќе живее подолго од очекуваното, беше јасно од неодамнешната одлука на Microsoft да го продолжи платениот период на поддршката што компанијата им ја дава на корпоративните корисници.
Првично, Microsoft планираше да ја прекине целосно поддршката на Windows 7 во 2020 година. Но сега компанијата го продолжи овој рок за две години – корпоративните корисници ќе можат да се потпрат на платена поддршка, вкл. безбедносни надградби до јануари 2023 година. Промената се однесува на верзии на Windows 7 Professional и Enterprise.
Корпоративните клиенти на Windows 7, кои по една или друга причина се уште не се решаваат да преминат кон актуелната верзија Windows 10, ќе добиваат напредни ажурирања на безбедноста (Extended security updates – ESU) во текот на уште две години по истекот на првично објавениот рок.
Microsoft ќе достави ЕСУ во замена за надомест, при што цената на услугата ќе се зголемува секоја година. Корисниците на Windows 10 Enterprise и Education ќе добијат отстапки при купувањето на Windows 7 ESU.
Корпоративните корисници на облачната услуга Microsoft Office 365 Pro Plus кои платиле за ESU, ќе можат, како и порано, да ги користат податоците од канцеларискиот пакет во Windows 7.
Иако стремежот на Microsoft да ги префрли своите клиенти побрзо кон Windows 10, се уште огромен број на корисници користат Windows 7. Според податоците на NetMarketShare, макар и застарени, Windows 7 е најпопуларната десктоп платформа со удел од 42% при РС.
Во меѓувреме, Microsoft ги ревидираше како целина плановите за поддршка на Office и Windows за корпоративни клиенти, како и во областа на образованието, за да ја направи побезболна миграцијата кон современа десктоп средина. Така на пример, компанијата ги продолжува роковите за поддршка на верзијата на Windows 10 Enterprise и Education од стандардните 18 на 30 месеци.
Освен тоа Microsoft ќе продолжи да поддржува Office 365 Pro Plus во Windows 8.1 до јануари 2023 година, а во Windows Server 2016 – до октомври 2025 година. Пакетот Office 2016 со можност за вклучување кон Office 365 ќе продолжи да работи до октомври 2023 година, наместо првично планираниот рок од октомври 2020 година.