Кралицата Елизабета ја одликуваше здравствената служба со орден

Британската кралица Елизабета Втора го додели орденот „Крстот на Џорџ“ на Националната здравствена служба (НХС) по повод одбележувањето на 73-годишнината од таа служба.

Во приватна порака, кралицата изјави дека вработените во НХС ширум Велика Британија работеле „храбро, сочувствително и посветено“ повеќе од 70 години, пренесува Би-Би-Си.

Извршниот директор на НХС, Симон Стивенс, рече дека со оваа награда е признаена „вештината и силата“ на вработените.

Орденот „Крстот на Џорџ“ , востановен од кралот Џорџ Шести во 1940 година, се доделува за „дела од најголемо херојство или најголема храброст во услови на екстремна опасност“.