Фудбалерот Маркус Рашфорд стана носител на Орденот на Британската империја доделен од Кралскиот двор за хуманитарна работа, а играчот на Манчестер Јунајтед го заслужи ваквото признание за борбата против детската сиромаштија, пренесе Хина.
Медалот на младиот хуманитарец му го врачи принцот Вилијам на церемонија во замокот Виндзор.
Под притисок на кампањата што ја започна 24-годишниот англиски напаѓач, владата на премиерот Борис Џонсон одлучи летово да ја продолжи програмата за бесплатен оброк за 1,3 милиони деца од сиромашни семејства, која беше основана за време на карантинот додека училиштата беа затворени.
Неговата петиција со која се повикуваат политичарите да продолжат понатаму во борбата против гладот на децата достигна 100.000 потписи само 10 часа по нејзиното лансирање и резултираше со промена на политиката на Владата на крајот.
„Се обидувам да им дадам на децата работи што ги немав кога бев мал. Да го направев, ќе бев многу подобар и ќе имав многу повеќе можности во животот. За мене е казна што децата не добиваат работи како оброци или резерви од книги. Ним им треба само малку водство и насока во вистинската насока, а јас им го давам тоа“, рече Рашфорд.
Младиот фудбалер исто така ја основал Работната група за сиромаштија за детска храна во соработка со неколку трговски синџири, производители, добротворни организации и добавувачи.
Дека бил меѓу освојувачите на орденот, Рашфорд дознал во октомври минатата година, велејќи тогаш дека ќе и го додели на неговата мајка Меланија Мајнар, која го одгледала него и неговите четири браќа и сестри.
„Неверојатно сум почестен. Како млад човек од Вајтеншоу, никогаш не мислев дека ќе добијам орден. Ова е посебен момент за мене и за моето семејство, а особено за мајка ми, која е навистина заслужна добитничка на таа чест“, изјави тогаш Рашфорд.