„Кралското семејство е советувано да не контактира со руската амбасада“

Рускиот амбасадор во Велика Британија Андреј Келин денеска изјави дека британското кралско семејство било советувано да не контактира со руската амбасада во Лондон, објави рускиот весник „Известија“.

На прашањето на новинар од рускиот весник дали имало контакти со британскиот крал Чарлс Трети, Келин одговорил дека немало и дека знае дека членовите на кралското семејство биле советувани да не одржуваат или стапуваат во контакт со руската амбасада, објави „Ројтерс“.

Келин рече дека повеќето политичари на Запад станале „едендневни пеперутки“ кои не размислуваат сериозно за иднината и се опседнати со собирање залудни политички поени.