Кремљ: Враќањето на Крим во Украина НЕ ДОАЃА ПРЕДВИД

Москва ја доживува изјавата на украинскиот претседател Владимир Зеленски за желбата на Киев да го врати Крим со „невоени средства“ како дискусија за отуѓување на руски територии, што е целосно неприфатливо, изјави денеска портпаролот на Кремљ, Дмитриј Песков.

„За нас ова не е ништо повеќе од дискусија за отуѓување на територија од Русија. Поинаку не може да се разбере. Ова не доаѓа предвид“, им рече Песков на новинарите кога беше прашан да ги коментира изјавите на Зеленски, пренесува ТАСС.

Во интервју за „Фајненшл тајмс“, Зеленски изјави дека доколку решението не предвидува деокупација, и ако според него Крим е дел од Русија, никој не треба да губи време на тоа, пишува „Украинска Правда“.