Кремаста супа како прилог или како главно јадење.
Состојки:
– 500 гр карфиол
– 500 гр компири
– 1 главица кромид
– 1 чешне лук
– 800 мл супа од зеленчук
– 50 гр сланина
– 4 лажици маслиново масло
– 50 гр путер
– сол, бибер
– лажичка куркума
Подготовка:
Одделете го карфиолот на помали цветчиња и измијте го. Измијте ги компирите и исечкајте ги на коцки. Кромидот и сланината ситно исечкајте ги.
Загрејте го маслиновото масло на умерена температура, а потоа додадете го кромидот. Пропржете го кромидот неколку минути, а потоа додадете ја сланината.
Изгмечете го лукот, пропржете сè заедно една минута. потоа додадете карфиол и компири. Посолете и побиберете, па прелијте ја загреаната супа и варете 15 минути.
Ако компирите се подготвени, отстранете ги од шпоретот. Потоа додадете путер и куркума и претворете ја во кремаста супа со помош на миксер или блендер.
На здравје!