Кремљ призна дека направиле грешки за време на мобилизацијата на резервистите на руската армија за борба во Украина, а повеќе извештаи истакнуваат дека биле повикани луѓе без воено искуство, премногу стари или инвалиди.
Минатонеделниот декрет за мобилизација веќе предизвика големи протести, многумина се уапсени, а со оглед на тоа што започна повикот на војници, многу мажи бегаат од земјата.
Портпаролот на рускиот претседател, Дмитриј Песков, изјави дека „има случаи кога е прекршена уредбата“, но додаде дека сите грешки ќе бидат поправени. Тој, исто така, рече дека во некои региони „гувернерите активно работат на подобрување на ситуацијата“.
Голем број воени експерти на Западот и Украина велат дека одлуката на Путин да повика резервисти покажува дека руските трупи не успеваат на бојното поле во Украина, повеќе од седум месеци откако Москва ја започна инвазијата.