Кривична за синот на Муса Џафери кој го нападна Бислимовски

Поднесена е кривична пријава против лицето Аријанит Џафери, инаку син на поранешниот министер и вицепремиер Муса Џафери, кој пред два дена физички го нападнал претседателот на РКЕ, Марко Бислимовски.

– Во врска со случајот кој синоќа, околу полноќ, во СВР Скопје го пријави М.Б. (45) од Скопје дека на тераса од угостителски објект на подрачјето на Центар бил физички нападнат од А.Џ.(28) од Скопје, ја известуваме јавноста дека случајот е целосно расчистен и против А.Џ. ќе биде изготвена кривична пријава за кривично дело насилство по член 386 од КЗ, соопшти МВР.

Очевидци на настанот велат дека Џафери седнал на масата на која се наоѓал Бислимоски во еден скопски ресторан и по неколку минутен разговор физички се пресметал со него.

Џафери е сопственик на фирмата „У Пауер“, која е на листата фирми на Регулаторна за одземање лиценци на снабдувачи на електрична енергија бидејќи не ги обезбедиле навреме и во целост количините на струја до потрошувачите со кои имаат склучено договори.

Портпаролката на РКЕ, Марина Узунов за „Локално“ изјави дека Беслимоски се чуствува добро.

-Претсдетелот е добар, колку и да е тоа соодветен збор по инцидентит кој се случи синоќа каде тој беше нападнат во центарот на градот. Нападот е пријавен во МВР. Сакам да ја информирам јавноста дека како и до сега така и од сега Рке ќе продолжи да работи транспарентно согласно законот и единствно по што се водиме и ќе продолжиме да ги водиме постпките е врз основа на силата на аргументите, а не на физичка сила. Претседателот Бислимоски инцидентот го пријави во соодветните институции. РКЕ како и до сега ќе продолжи да се води од постулатот на заштитата на потрошувачот и сигурноста и стабилноста на електроенергетскиот систем, изјави портпаролката на РКЕ.