Црна Гора се стреми кон членство во Европската унија (ЕУ) пред крајот на 2024 година, рече премиерот Здравко Кривокапиќ.
Во интервју за австриската агенција АПА, тој рече дека се надева дека тоа ќе биде случај во сегашниот мандат на Европската комисија.
„Оваа влада сака да работи со забрзано темпо. Нема време за губење“, рече Кривокапиќ.
Тој изјави дека борбата против корупцијата и организираниот криминал се главниот приоритет на Владата.
„Најважно е дека законот повеќе нема да биде селективен, како што е во моментов“, рече Кривокапиќ.
Тој изјави дека Владата сака да ја намали корупцијата на нула.
Кривокапиќ, како што се наведува, го критикуваше билансот на поранешната влада во преговорите со ЕУ.
Како што рече, преговорите траеја девет години за време на претходната влада, „но освен последните две и пол години, ние направивме мал напредок“.
„Сега има само еден патоказ, а тоа е ЕУ“, рече Кривокапиќ на прашањето дали прозападниот курс на Црна Гора е неповратен.
Посочи дека Црна Гора е апсолутно независна и дека нејзината независност никогаш не може да се доведе во прашање.
Кривокапиќ рече дека Црна Гора има добрососедски односи со сите земји во регионот и дека нема територијални спорови.
Според Кривокапиќ, Црна Гора е модел за другите земји во регионот кога станува збор за можноста за демократска промена на власта.
Тој го пофалил австрискиот канцелар Себастијан Курц, кој беше домаќин на состанокот на шефовите на влади на Западен Балкан во Виена во петокот.
„Оваа иницијатива многу ни значи и создава динамика“, рече Кривокапиќ.
Додаде дека претседателството на Словенија со Советот на ЕУ, кое започнува на почетокот на јули, е исто така многу важно.