Крстевски по инцидентот во Кочани: Опструкции на сите страни, на некого не му чини прогресот

од Nikola Popovski
249 прегледи

Градоначалникот на општина Кочани, Венко Крстевски обвини за опструкции откако трета недела по ред нема согласност од министерката за финансии, Гордана Димитриеска-Кочоска за да ја отворат детската градинка во која ќе бидат сместени 115 деца. Крстевски обвини и за опструкции и од инспекторски служби кои што не си ја вршат својата работа во делот за угостителски објекти, каде што е нарушена безбедноста на граѓаните.

-Денеска имаме опструкции и во Советот. Повторно не се гласа за меѓуопштинска соработка. Гледам навреди, обиди за тепачки…нешто што е недозволиво. Јас тоа како градоначалник нема да го дозволам, рече Крстевски во своето обраќање по денешниот физички инцидент пред советниците во Советот на Општина Кочани.

Според него, претходните два месеци сработено е можеби повеќе отколку во претходните три и пол години.

-На некого не му чини прогресот на ова место. Јас ќе се спротивставам на овие партиски игри и нема да дозволам да поминат. Во интерес на кочанчани ви ветувам дека во следниот период ќе работам уште по посветено, се со цел да ги запазиме законските стандарди и да успееме да исплива правдата на површина, изјави Крстевски.

Слични содржини