Крузерот „Koral Princess“ со повеќе од 100 луѓе позитивни на коронавирусот се закотви во Сиднеј.
По напуштањето на градот Еден на јужниот брег на Нов Јужен Велс со повеќе од 2.300 луѓе на бродот, бродот за крстарење се закотви на Кружниот кеј денеска непосредно пред зори, каде што ќе остане еден ден пред да се врати во своето родно пристаниште Бризбејн, пренесе „Гардијан“.
Од патниците ќе се бара да имаат негативен брз антигенски тест пред да излезат од крузерот, но од екипажот на бродот ќе се бара да остане.
Повеќето членови на екипажот се заразени, а 114 лица се во изолација.
Четворица патници исто така беа во изолација откако беа позитивни на тестот, а 24 од нив се симнаа претходно во Бризбејн, рече главниот здравствен директор на Квинсленд, Џон Џерард.
Одделот за здравство на Нов Јужен Велс соопшти дека патниците најверојатно се заразиле со коронавирус пред да се качат на бродот за крстарење.
Портпаролот на бродот за крстарење Koral Princess изјави дека екипажот кој бил позитивен на вирусот имал благи симптоми или се асимптоматски случаи.
Според најновиот биланс, Австралија регистрирала 41.336 случаи на коронавирус и 58 смртни случаи, пишува „Гардијан“.