Крвопролевање во Мексико: Во престрелка меѓу нарко кланови и полицијата загинаа 12 полицајци

Најмалку 16 лица, од кои 12 полицајци, загинаа во два вооружени напада во јужниот дел на Мексико, каде насилството често е поврзано со трговија со дрога, соопштија локалните власти. Во нападот во југозападната мексиканска држава Гереро загинаа 11 полицајци.

Неидентификувани напаѓачи отвориле оган врз полициска патрола придружувана од локалниот секретар за безбедност, изјави заменик-јавниот обвинител на државата Гереро, Алехандро Ернандез.

Четворица цивили и еден полицаец загинаа во вооружен напад во соседната држава Мичоакан, соопштија локалните власти.

Истрагата за нападите е во тек.