Шведскиот репрезентативец со македонско потекло, Дејан Кулушевски веќе извесно време е проектиран како човек кој треба да го замени Златан Ибрахимовиќ, во националниот тим на Шведска, но тоа не значи дека постои ривалство меѓу нив двајцата.
Во Јувентус, Кулушевски добива се повеќе и повеќе шанси, па затоа постигна три гола и две асистенции на 19 натпревари оваа сезона (за 902 минути). Кулушевски влезе против Сасусоло (3: 1) во 42-та минута и бил забележан во офанзивните задачи, а по натпреварот го искористи разговорот со медиумите за да го покани Ибра повторно да го облече жолтиот дрес на Шведска.
Златан последен пат играше за националниот тим во 2016 година, а се шпекулира дека Џејн Андресон во моментов преговара со напаѓачот на Милан за враќање во националниот тим.
„Разговорме. Тој е мојот идол. Ретко кој на светот може да го направи она што тој го прави. Кога ме фали, тоа ме тера да работам уште понапорно на следниот тренинг затоа што сум многу горд. Искрено се надевам дека ќе се врати во националниот тим и ќе игра за Шведска на Европското првенство. Би било нешто прекрасно за мене, како и за цела Шведска. Ајде Златан“, му рекол Кулушевски на својот поискусен колега.
Да потсетиме, минатата есен Ибра го критикуваше шведскиот селектор затоа што не го вовел Кулушевски во почетниот состав на националниот тим. По овие критики, Кулушевски доби шанса и наскоро покажа за каков играч станува збор.