Покрај тоа што е запаметен како еден од најлошите филмови во кариерата на Квентин Тарантино, вестернот The Hateful Eight е главната причина зошто C. F. Martin & Co. повеќе не ги позајмува своите инструменти на филмски продукции.
C. F. Martin & Co. произведува акустични гитари од 1833 година, а нивните гитари понекогаш надминуваат 100.000 долари. Покрај стандардните модели достапни за продажба, C. F. Martin & Co. има и историски инструменти кои љубителите на музиката можат да ги видат во музејот за гитари.
Меѓу историските инструменти беше и бесценета гитара од 1870-тите, која музејот одлучи да ја позајми на филмската екипа на The Hateful Eight, не знаејќи каква судбина ја чека нивната гитара.
„The Hateful Eight“ следи група странци кои престојуваат заедно во гостилница додека чекаат да помине снежна бура.
Курт Расел го играше ловецот на награди Џон Рут, кој ја лови криминалката Дејзи Домерг (Џенифер Џејсон Ли). Во една сцена Дејзи, која цело време го задева Џон, почнува да свири на гитара. Нервозниот ловец на награди потоа оди до неа и ја крши гитарата во напад на бес.
Според Slash Film, дизајнерот на звук Марк Улано рекол дека имаат шест реплики на гитари. За време на снимањето на таа сцена требало да направат пауза и потоа да сменат гитари за да не се уништи вистинската.
Ли знаела дека држи вистински историски артефакт во рацете, но Расел мислел дека држи реплика што може да ја скрши. Актерот разговарал со Тарантино пред снимањето, а режисерот потврдил дека може да ја уништи гитарата, што на крајот го направил Расел.
„Кога го прекинавме снимањето, Ли рече: „Не можам да верувам дека ова се случи“. Ја прашав: „Што?“ Таа одговори: „Само што скрши вистинска гитара“, се сеќава актерот.
Откако компанијата откри што се случило со нивната гитара, директорот на музејот Ден Боак изјавил: „Ништо не знаевме за сценариото, дури и ако Курт Расел не беше информиран дека тоа е бесценет и незаменлив артефакт од музејот за гитари на „Мартин“.
„Како резултат на овој инцидент, компанијата повеќе нема да позајмува гитари на филмски продукции под никакви околности“, додаде тој.
Музејот на гитари „Мартин“ доби отштета од 45 илјади долари, но директорот нагласи дека парите не им се важни бидејќи гитарата е толку оштетена што не може да се поправи.
Актерската екипа, исто така, изрази тага поради загубата на артефактот, а Ли е особено погодена.
„Таа гитара ми го скрши срцето затоа што се заљубив во неа. Ми дозволија да ја однесам дома и јас свирев секој ден. Имаше толку прекрасен и топол звук”, изјави Ли во интервју за „Билборд“.