Премиерот на Косово, Албин Курти, во седиштето на Европската унија во Брисел, ја обвини Српска листа дека се обидува да предизвика „имплодирање“ на системот на северот на Косово и рече дека „треба да платат и да страдаат за оваа злоба и грешка“.
По новата рунда преговори меѓу делегациите на Белград и Приштина, кои според српскиот претседател Александар Вучиќ завршија неуспешно, од Курти беше побарано да го коментира тоа што во зградата е Љуљзим Хетеми, кој беше назначен за градоначалник на Лепосавиќ, а за ваквата ситуација ја обвини Српската листа.
„Ова е последица на Српската листа, која е косовски огранок на СНС, и која сакаше системот на државата Косово во северниот дел на Косово да имплодира со колективна оставка, но тоа не се случи. Обидот да се имплодира државата Косово во северниот дел на земјата, не успеа. За таа злонамерност треба да платат и да патат, рече Курти.