Австрискиот канцелар Себастијан Курц го обвини турскиот претседател Реџеп Таип Ердоган за злоупотреба на бегалците, како би извршил притисок врз ЕУ.
Себастијан Курц на прес-конференција по средбата со министрите за внатрешни работи, надворешни работи и одбрана рече дека пред еден месец немало хуманитарна криза во Турција, ниту на грчката граница, а денес се соочуваме со бран на бегалци, но не и на обете копнени граници. .
“Се случува да имаме бран бегалци само на грчката граница, но не и на границата со Бугарија. Ова покажува дека ова не е случајност, туку нешто организирано. Тие не се луѓе од Сирија кои бегаат во Грција, туку луѓе кои се со години живеат во Турција. Претседателот Ердоган свесно ја организираше оваа акција. Автобусите се ставаат на располагање, им се даваат лажни информации на мигрантите и има свесен обид да се организира притисок на границата со Грција“, објасни тој.
Курц истакна дека луѓето се користат како играчки и инструмент за притисок врз ЕУ, што, додаде тој, мора да биде остро осудено.
Тој исто така рече дека Турција е одговорна за драматичната состојба во Идлиб, Сирија.
„Турците и Ердоган свесно злоупотребуваат луѓе, тие мотивираат десетици илјади луѓе да одат на пробивање на границата. Јасно е дека тие ги користат овие луѓе за да ја санкционираат Грција. Треба да биде јасно кој е виновен и ние мора да застанеме против Ердоган“, рече канцеларот.