Австрискиот канцелар Себастијан Курц го критикуваше планот за закрепнување на европската економија од последиците од коронавирусот предложен од Германија и Франција.

Курц рече дека Австрија тврди дека економијата на ЕУ треба да се стимулира со заеми што треба да се вратат, а не со давање средства што не се враќаат на земјите во криза.

Германската канцеларка Ангела Меркел и францускиот претседател Емануел Макрон предложија програма за економско закрепнување што предвидува Европската комисија да преземе долг од 500 милијарди евра, со цел директно да им помогне на земјите погодени од кризата.

Италија веќе „резервираше“ 100 милијарди евра како една од државите најтешко погодена од пандемијата.