Шпанскиот гигант Барселона упати понуда да го привлече напаѓачот Дани Олмо од РБ Лајпциг, но „биковите“ ја одбија понудата на Каталонците. Според Sky Sports, сумата била нешто повеќе од 60 милиони евра.
Раководството на германскиот тим изјави дека би го продале својот играч, но само доколку има подобра понуда.
Интересно, шпанскиот репрезентативец e дете на Барселона, но беше ослободен од академијата на рана возраст, откако беше оценет како неперспективен.
Дани Олмо пристигна во Ред Бул Арената пред четири години. Тој забележа 148 настапи и постигна 29 гола во сите натпреварувања. Фудбалерот двапати го освои Купот на Германија и еднаш Суперкупот на земјата.
Напаѓачот имаше силен настап на Евро 2024 , а неговата земја ја освои титулата по рекорден четврти пат.