Рускиот министер за надворешни работи Сергеј Лавров ја напушти седницата на Советот за безбедност на Обединетите нации, иако на состанокот доцнеше речиси 90 минути.
„Украина и нејзините сојузници се обидоа да наметнат сосема поинаков наратив за руската агресија. Западните сојузници на Украина ги прикриваат злосторствата на режимот во Киев“, изјави Лавров пред да ја напушти седницата.
За време на својот говор, рускиот министер за надворешни работи ги повтори честите тврдења на неговата земја дека Киев долго време ги угнетува луѓето кои зборуваат руски во источна Украина.
Во меѓувреме, украинскиот министер за надворешни работи Дмитро Кулеба им рече на новинарите дека планира да држи „безбедна социјална дистанца“ од Лавров.
„Забележувам дека руските дипломати бегаат речиси еднакво брзо како и руските војници“, изјави Кулеба.
"I notice that Russian diplomats flee almost as quickly as Russian soldiers."
Ukrainian Foreign Minister Dmytro Kuleba delivers a memorable one-liner in response to Russian Foreign Minister Sergei Lavrov's hasty exit during a UN discussion on the Russian invasion of Ukraine pic.twitter.com/r7naxVj5nv
— Business Ukraine mag (@Biz_Ukraine_Mag) September 22, 2022
„Ја напушти комората, не сум изненаден. Мислам дека господинот Лавров не сака да ја слуша колективната осуда на овој Совет“, изјави британскиот министер за надворешни работи Џејмс Клеверли, кој зборуваше на средбата по Лавров.
Тој додаде дека Обединетото Кралство ќе ја поддржува Украина се додека е потребно.
Американскиот државен секретар Ентони Блинкен ги повика ОН да испратат „јасна порака“ до Русија дека мора да престане со нејзините нуклеарни закани и ги наброја сите злосторства што Русија наводно ги извршила во Украина.