Лос Анџелес Лејкерс имаат многу тешка задача во првото коло од плејофот – да го запрат или барем да го ограничат Никола Јокиќ, а Леброн Џејмс е свесен за деликатноста на таа работа.
„Тој прави сè. Што е најважно, тој го менува начинот на кој неговите соиграчи размислуваат за сопствената игра. Кога можете да ги инспирирате вашите соиграчи понекогаш да играат на ниво на кое дури и тие не мислат дека можат, тоа е квалитет на одличен играч“, рече Џејмс, додавајќи: „Јокиќ е еден од најдобрите кошаркари во историјата, толку е едноставно“.
Јокиќ сезонава имаше просек од 26,4 поени, 12,4 скока и 9 асистенции, а Нагетс ги добија сите четири првенствени натпревари против Лејкерси, како и минатогодишната плејоф серија со 4-0.
„Никола е навистина добар во развивање ритам против секаков тип на одбрана“, рече тренерот на Лејкерс, Дарвин Хам, „Прашање на време е кога ќе сфати што се случува. Затоа мораме да ги менуваме, не само типовите на одбрана, туку и играчите кои го чуваат“.
И Ентони Дејвис треба да биде подготвен да ја започне серијата.
„Имаме план за различни сценарија во зависност од тоа кој го чува, во зависност од тоа во која фаза се игра и каков е резултатот. Не знам дали ги гледаат нашите интервјуа, нема да откривам премногу“, вели Дејвис.
Првиот натпревар на програмата е сабота према недела од 2:30 часот по средноевропско време.