Поранешниот играч на Реал Мадрид, Хозе Марија Гутиерез во емисијата „El Chiringuito“ отворено го исмејуваше тренерот на Барселона, Чави Ернандез. Според Гути, Чави не е слаб тренер, но имало подобри избори од него за клупата на Барса.
„Стилот кој го имаше Чави како играч и играчите кои ги има на располагање е нешто неспоредливо. Голем тренер е оној кој може прецизно да ги искористи квалитетите на играчите што ги има. Чави не беше подготвен да дојде во Барселона. Кога ќе добиеш лиценца во Катар и ќе тренираш таму за натпревар пред 300 луѓе… Не е исто како да седиш на клупата на Барселона“.
„Има луѓе кои се поподготвени, а има и такви кои треба да работат во други клубови за да стекнат искуство и да заминат во поголем клуб, без разлика дали е Чави или кој било друг тренер. За мене Чави е добар тренер за Барса и за кој било друг тим, но мислам дека сака да го скрие она што не му оди со коментари за судиите. Полесно му е да каже дека судиите свират за Реал Мадрид отколку да си признае дека тимот не игра добро на нивото на кое тој сака“, изјави Гути.