Локално Точни и вистинити информации
Пејачката Лејди Гага во петокот го издаде својот шести албум, дури 12 години по излегувањето на дебитантскиот албум „ The Fame“ кој ја направи ѕвезда. На новиот албум нема ниту една балада, а со истиот музичката дива се враќа во нејзините dance-pop денови.
Иако никој не знае кога Лејди Гага повторно ќе одржи музичка турнеја поради епидемијата на коронавирус, се чини дека на 34-годишната пејачка не ѝ е многу грижа за тоа.
Таа одлучи да ги развесели своите обожаватели и да го објави долгоочекуваниот албум, а потоа, во саботата за првпат се појави во јавноста по долго време. Во друштво на нејзиното момче Мајкл Полански, таа прошета низ делови од Холивуд во опуштено издание.
И Лејди Гага и нејзиното момче носеа маски на лицата, а пејачката носеше необична комбинација. Црни полупроѕирни хеланки, а горе само црн градник. На грбот носеше розов ранец. Тоа е сосема различно од изданието во кое ја видовме на почетокот на годината кога имаше розова коса.
