Деменцијата е група на симптоми поврзани со губење на когнитивните функции. Најчест е кај луѓето над 65 години и може да доведе до проблеми со меморијата, како и до промени во личноста и однесувањето. Повеќето од нас се свесни за некои од симптомите, а губењето на меморијата и говорот се меѓу најчестите знаци. Сепак, она што можеби е помалку познато е фактот дека состојбата може да предизвика и одредени промени во навиките за исхрана.
Затоа, општиот лекар Јоханес Ујс, заедно со фармацевтот Абас Канани, предупредија на одреден предупредувачки знак на деменција што лесно може да се занемари. Имено, зголемената желба за слатки може да значи дека личноста потенцијално има деменција. Зборувајќи за „Дејли Експрес“, Канани откри дека изменетото сетило за вкус може да влијае на некои луѓе со оваа состојба.
„Најчестиот знак е зголемената желба за слатки задоволства, како што се колачи и чоколади. Постојаното претпочитање за слатка храна, особено помеки текстури како сладолед или пудинг, обично е примамливо бидејќи е полесно да се јаде за луѓето кои можат имаат потешкотии со џвакање или голтање додека нивната деменција напредува“, објасни тој.
Деменцијата може да доведе до промени во перцепцијата на вкусот и преференциите
Канани тврди дека слатката храна може да стане попривлечна за луѓето со деменција, бидејќи состојбата може да ја промени перцепцијата на вкусот, што доведува до предност за послатка храна пред другите.
„Познатите слатки вкусови и текстури исто така можат да бидат извор на удобност. Позитивните спомени и емоции поврзани со одредени вкусови, дури и ако луѓето со оваа состојба имаат потешкотии да се присетат на одредени настани или искуства, може да ги привлечат кон одредени слатки јадења“, додаде тој. Тоа го потврдува и Ујс.
Сепак, тој рече дека не е само претпочитање на слатка храна што може да влијае на навиките во исхраната кај пациентите со деменција. Тој објасни: „Деменција всушност може значително да влијае на вашата перцепција на вкусот, како и на вашите преференци за вкус“.
Нагласува дека промените во функционирањето на мозокот предизвикани од деменција влијаат на нашата сетилна обработка, која може да се манифестира на различни начини.
„Додека некои може да развијат предност за слатка храна, на пример, други може да изгубат интерес за јадење, да заборават да јадат или да ја изгубат способноста да препознаат кога се гладни или жедни“, предупреди тој.
Ако ова е нешто што нашите најблиски го доживуваат, можеби треба да бидеме особено внимателни кога ги планираме нивните оброци.