Летонија отвори кривична постапка против европратеничка за наводно шпионирање за Русија

Летонската служба за безбедност (ВДД) ги истражувала активностите на Татјана Жданока и нејзините наводни врски со Русија во текот на изминатите неколку недели

од Бети Божиноска

Службата за државна безбедност на Летонија отвори кривична постапка против пратеничка на Европскиот парламент и летонска државјанка која е осомничена за соработка со руските разузнавачки и безбедносни служби, објавија летонските медиуми во саботата.

Летонските медиуми објавија дека Службата за безбедност, позната по кратенката ВДД, ги истражувала активностите на Татјана Жданока (73) и нејзините наводни врски со Русија во текот на изминатите неколку недели откако во јануари беа објавени извештаи на руски, нордиски и балтички сајтови во кои се вели дека таа е агент на руската Федерална служба за безбедност (ФСБ) најмалку од 2004 година.

Според новинската агенција ЛЕТА, латвиската ВДД одлучила да почне кривична постапка против Жданока, која ги отфрли сите обвинувања против неа, на 22 февруари.

Европскиот парламент соопшти кон крајот на јануари дека отворил истрага по вестите дека латвиската европратеничка Жданока работи како руски агент повеќе години. Законодавното тело на Европската Унија, со седиште во Стразбур, Франција, рече дека многу сериозно ги сфаќа наводите.

По заедничка истрага, независниот руски истражувачки новинарски сајт The Insider, неговиот латвиски еквивалент Re:Baltica, информативниот портал „Делфи Естонија“ и шведскиот весник Expressen на 29 јануари објавија голем број мејлови за кои рекоа дека биле „протечени“ и дека ги прикажуваат интеракциите на Жданока со нејзиниот нареден агент.

„Експресен“ тврди дека Жданока, меѓу другото, шири пропаганда за наводно кршење на правата на Русите кои живеат во балтичките земји и се залага за проруска политика. Таа, исто така, одбила да ја осуди инвазијата на Русија на Украина, пишува весникот.

Летонија, балтичка нација со 1,9 милиони жители, и соседна Естонија, се дом на значително етничко руско малцинство кое претсѕавува околу 25 отсти од населението. Двете земји се поранешни советски републики. Во текот на изминатите неколку години, Москва рутински ги обвинуваше Латвија и Естонија за дискриминација на нивното население што зборува руски.

Во резимето на Жданока, кое е објавено на веб-страницата на Европскиот парламент, таа е посочена како претседателка на Алијансата на руските говорници на ЕУ, невладина организација, од 2007 година. Таа за прв пат беше избрана во Европскиот парламент во 2004 година.

Слични содржини