„Левандовски се плаши од Премиер лигата, мисли дека таму нема да биде ефикасен“

Новата дестинација на Роберт Левандовски се уште не е позната, но тоа речиси сигурно нема да биде Англија.

Така барем мисли неговиот поранешен агент Чезари Кучарски.

„Зошто не Англија? И тогаш разговаравме за тоа. Роберт секогаш ми даваше детска причина, а тоа е дека во Англија често врне дожд. Така ми кажа“, изјави поранешниот агент со кој не соработува од 2018 година.

Тој додаде дека полскиот напаѓач се плаши од конкуренција на Островот.

„Мислам дека вистинската причина е тоа што тој се плаши дека нема да биде толку ефикасен како во Германија. Токму од тоа се плаши Роберт“, изјави тој за Лева, кој во неколку наврати беше поврзуван со Барселона.