Либанските војници се повлекоа од границата со Израел

Либанските војници се повлекоа од позициите долж јужната граница на Либан со Израел за најмалку пет километри, изјави извор од либанската служба за безбедност за Ројтерс.

Повлекувањето доаѓа кога се зголемуваат навестувањата за неизбежен израелски копнеен упад во јужен Либан.

Либански воен претставник со слична изјава за АФП: дека либанската армија преместува војници стационирани долж јужната граница.

Неименуваниот извор информирал дека силите се преместуваат и се регрупираат на јужната граница по заканите за израелски упади насочени кон упоришта на либанското вооружено движење Хезболах.